170. De sancta Anna.

la. Alma mater generosa,

Nam Mariam peperisti,

1b. Quae prae cunctis gratiosa
Genitrix est Jesu Christi.

2a. Haec pretiosa munera

Nobis, Anna, contulisti,

2b. Tu es arbor fructifera,

Duplum fructum pertulisti.

3 a. Tu columna luminosa
In tenebris effulsisti.

3 b. Tu es terra fructuosa,

Quae tantum germen dedisti,

4a. Quod Mariam genuisti

Matrem regis omnium,

4 b. Per quam mundo reddidisti
Flebili solatium.

5 a. Virga Jesse florida
In radice humida,
Anna matre, crescit,

5 b. Sic ex nube rorida
Stillat unda fluida,
Qua mundus virescit.

6 a. Tu origo gloriosa

Summae prolis exstitisti,

6 b. Nos ad regna gaudiosa

Ducas, quae tu conscendisti.