171. De sancta Andrea.

1. Laus angelorum,
spes conditorum
salutisque via,

2 a. Deus aeterne,
lumen de lumine,
apostolorum corona.

2 b. Nobis hodie
da digne colere
sancti Andreae merita.

3 a. Cui et Petro
cum dixisses:
Venite post me,
faciam vos
piscatores

hominum in regione
universa,

3b. Statim ad unum
tui praeceptum
omnibus, navi
et retibus
derelictis,

vestigia comitantur
dominica.

4 a. Mox in ecclesia

factus rector Andreas,
mortem Christi volens
cruce sequi propria,
coelesti plenus gratia.

4b. Aegeam provocat,

non credenti praedicat,
Christum natum, passum,
mortuum atque die
resuscitatum tertia.

5 a. Aegeas igitur
furit, irascitur
ob verba talia,

5 b. Doctorem flagellat,
compellit, ut colat
deorum idola.

6 a. Vir pius modestus
his spretis omnibus
in cruce plectitur,

6 b. Spiritum exhalat,
divino lumine
ductus est ad astra.

7 a. Tu ergo, sancte Andrea,
pollens inter lucida

7 b. Apostolorum agmina,
tua prece nos salva.