175. De sancto Auberto.

1. Haec dies sanctissima,
Laude celeberrima
Dies est per omnia,

2 a. In qua Dei famuli
Auberti sanctissimi
Colimus solemnia,

2 b. Cujus celebratio
Nostra sit defensio
Ab omni nequitia.

3 a. Qui caduca respuens
Et aeterna intuens
Animi prudentia

3 b. Praesul esse meruit
Et cunctis innotuit,
Quae sunt vera gaudia.

4a. Landelinum devium
Ducemque Vincentium
Per ejus consilia
Possidet ecclesia.

4b. Factae sunt Waldetrudis
Et soror Aldegundis
Ejusdem prece pia
De Christi familia.

5 a. Curam talem
Pastoralem
Sibi notis
Et ignotis

Caritate nimia

5 b. Impendebat,
Quos docebat,
Formidare
Et vitare

Tartari naufragia.

6 a. Sancto isti
Servo Christi
Plurimorum
Infirmorum

Occurrebat copia,

6 b. Mox per Deum
Et per eum
Reformati
Et sanati

Redeunt ad propria.

7 a. O quam beata civitas
Et hujus sedis dignitas,
Quae habet patrocinia
Tanti patris praesentia.

7 b. Qui, dum vixit in saeculo,
Commisso sibi populo
Suggessit super omnia
Diligere coelestia.

8 a. Ergo, praesul pietatis
Et amator caritatis,
Te precamur,
Qui moramur
Sub tuo custodia,

8 b. Ut paterno imploravit
Ab aeterno cruciatu
Nos educas
Et perducas

Cum pacis laetitia

9. In coelesti gloria.