184. De sancta Barbara.

la. Laudent toto corde cleri
Cum devoto et sinceri
Barbarae solemnia,

1b. Quae cognovit trinitatem
Deo vovens castitatem
Vitae per insignia.

2 a. Cujus pater idolorum
Cultor erat, qui decorum
Castrum strui fecerat,

2 b. Cum fenestris tantum binis,
Ejus nata sed cum trinis
Fore imperaverat.

3 a. Virgo fonte baptizatur,
Cui virtus talis datur,
Fert medelam languidis:

31). Deum trinum confitetur
Genitoris nec terretur
Minis multum perfidis.

4 a. A vi patris hanc ferebat
Marmor, pastor qua prodebat
Signi per indicium;

ib. Quique marmor fit repente,
Grex locustae, fit volente
Deo hoc prodigium.

5 a. Hinc acerbis cum flagellis
Dire cruciatur pellis
Mitis sanctae Barbarae,

5 b. Sauciata carceratur,

Nocte plagis haec sanatur,
Carcer splendet iubare.

6 a. Mane facto retoixjuetur,
Lampas ardens adhibetur
Apertis lateribus,

6 b. Caput magis purum stellis
Fit percussum cum martellis,
Truncatur urberibus.

7 a. Denudatur, agitatur,
Alba stola sed velatur
De coeli cacumine:

7 b. Pro devotis exauditur,
Ense patris jam moritur
Divo fruens numine.

8 a. Crimen laesae majestatis
Nece sponsae trinitatis
Actum temerarie

8 b. Mox in reum vindicatur,
Nam per ignem concrematur
Perditis nefarie.

9 a. Laxis fibris nunc clamemus,
Sponsae sponsum invocemus
Nostro pro collegio,

9 b. Ut hinc ejus supplicatu
Expurgato a reatu
Detur vitae regio.