185. De sancta Barbara.

la. Mittit Dioscoro

Prolem non barbaram
Sed pagano thoro
Virginem Barbaram
Amator hominis.

1b. E spinis trahitur
Rosa vel lilium,
Dum tunc extrahitur
Flos infidelium
In partu virginis.

2 a. Barbaram elicit

Ex stirpe pagana
Et suam efficit,
Ut paleae grana
Tollat de medio,

2 b. Doctor Origenes,

Quod haec credat, poscit
Et tormenta penes
Docet iter, quo sit
Potens in proelio.

3 a. Foras Christiana

Refert Christum regem
Et idola vana

Frangit atque legem
Patris imperii.

3 b. Orat sursum ista

Cursum fons incipit,
A sancto baptista
Baptisma suscipit
Virtute nuntii.

4 a. Accede, spiritus,

Conforta famulam,
Martyrii ritus

Fac hanc non aemulam
Et die, ne timeas.

4b. Sis animo forti,
Cogita gloriam
Et aeternae morti
Firma memoriam
Et votum teneas.

5 a. Audit et stabilis

Ad poenas ducitur,
Et carnis labilis
Mortem post patitur
Sed admirabilem.

5 b. Nam ejus genitor
Caput amputavit
Et coeli janitor
Animam aptavit
In pace stabilem.

6 a. Ergo, o Barbara,

Ora tuum sponsum,
Ne nos ad tartara
Satan in absconsum
Secum praecipitet,

6 b. Sed dator bonorum
Dimissis peccatis
In regno coelorum
Tuis impetratis
In nobis habitet.