186. De sancto Baudelio.

la. Gaude, felix ecclesia,
Gaudio, quo eoelestia
Cantus amoenos promunt,

1b. Vox intonet melodia
Baudelio praeconia,

Quem aetherea condunt.

2 a. In solemne solatium
Rumpat chorus fidelium
Pervigili jubilo,

2b. Levita dum Baudelius
Ab Evurcio nuntius
Gothorum in populo

3 a. Laetus partes ad australes
Verbo vertit infideles
Insigni victoria.

3b. Ardet hinc Gothorum coetus,
Intra minas dum stat laetus
Martyr in angustia.

4 a. Victor peroptans terrestrem

Coelestis ditat victorem

Eefulgenti bravio.

4b. Martyr minis non teritur,
Crescit et non minuitur
Fides in Baudelio.

5 a. Errantibus dat solamen
Et egenis relevamen
Insignis martyr pius.

5b. Canunt strata simulacra:
Tu Baudeli, per lavacra
Fontis sis propitius.

6 a. Horrenda pandunt tormenta
Martyri post blandimenta,
Visis quibus laetatur;

6 b. Adstat saevus imperator
Dicens, Christi verbi sator,
Haec tibi praeparantur.

7 a. Sanctus pronus ad verbera
Judici clamat: propera,
Tibi soli corpus datur.

7 b. Tortor ferus hic adfuit,
Quo, dum verbis condoluit,
Sancti caput amputatur.

8 a. Ex communi datur jure
A fideli sepulturae

Turba corpus martyris ;

8 b. Languentibus praestat opem
Et infirmis sanitatem
Hic locus prae ceteris.

9 a. Alta laurus sanctum probat,
Ex tumulo quae germinat,
Qua frondes et folia

9 b. Incessanter praebent cunctis

Languentibus et aegrotis

Miranda praesidia.

10. Nunc te martyr deposcimus,
Nostris adesse precibus,
Christum pro nobis precare,
Ut nos velit collocare
In coeli palatio.