188. De sancto Benedicto.

la. Resultent astra dulciter,
Corda recta suaviter
In eius memoria,

1b. Qui fuit venerabilis,
Deo valde amabilis
Ib carnis praesentia.

2 a. Nobilis erat genere,
Nobilior in opere,
Ut fantur sequentia:

2 b. Benedictus puer carus,
Pius placens, vultu clarus,
Omni plenus gratia,

8a. Patrem fugit et patriam,
Sustinuit miseriam
Voluntate propria.

3 b. Sprevit mundum, mundinorem,
Dei crevit in amorem
Cum honoris gloria.

4 a. Quod frequenter haec ostendit,
Quae in illo non offendit
Dei sapientia.

4 b. Universae bonitatis
Datae viris approbatis
Continet insignia.

5 a. In spelunca occultatur,
Revelatus declaratur,
Applaudit Italia,

5b. In pastorem eligitur,

Gregem pascit et pascitur
Per diva eloquia.

6 a. Lucet verbo et exemplo,
Domi, foris et in templo,
Congaudet ecclesia.

6 b. Tot et tantis miraculis

Effulsit coram populis,

Pars celatur media.

7 a. Fugat necem, morbos pellit,
Vitiorum onus tollit
Refraenat daemonia,

7 b. Benedicti miracula
Non sonat oris fabula,
Multa sunt et grandia.

8 a. Febre tactus incommodo
Absolutus culpae nodo
Petit oratoria,

8 b. Sacramenta communicat,
Absenti fratri indicat
Signa transitoria.

9 a. Transit pater ad Dominum,
Vivit in aula luminum
Possidens coelestia;

9 b. O dux, pater Benedicte,
Nobis confer palmam vitae
In superna patria.