190. De sancto Bertino.

la. Uni simul atque trino
Deo demus in Bertino
Laudes et magnalia:

1b. Puer annis generosus.
Sed prae cunctis gloriosus
Sanctitatis gratia.

2 a. Ante florem pubertatis
Motus vicit levitatis
Animi constantia,

2 b. Mundum sibi crucifixit.
Et maturus senex vixit
In adolescentia.

3 a. Audomari
Regulari
Fultus providentia,

3b. Nave ductus
Contra fluctus
Fundat aedificia.

4 a. Comes orat
Et implorat
Vitam laesa tibia,

4 b. Per Bertinum
Fundit vinum

Sicca prorsus hydria.

5 a. In praedones
Et latrones

Immittit daemonia,

5 b. Fugat Danos
Et insanos

Via necat invia.

6 a. Sanctus praesul Turonis
Tentamenta daemonis
Solvit muliebria,

6b. Lex adstringit viduam
Neque movent mortuam
Multa borum paria.

7 a. Sanat daemoniacum
Profugumque monacbum
Firmat poenitentia;

7 b. Lapsus tecti culmine
Liber a gravamine
Nescit praecipitia.

8 a. Fugat noctem caecitatis

Et relaxat carceratis
Catenarum vinculam,

8 b. Surdum, mutum, claudum sa-
nat
Et de veste sanguis manat
Et de frugum stipula.

9 a. Salve, pater et confessor,
Tamquam pius intercessor
Christo nos intitula,

9b. Ut te semper veneremur
Et cum Christo gloriemur
In aeterna saecula.