192. De sancto Blasio.

la. Lux illuxit nobis laeta,
In qua passus est athleta
Blasius martyrium ;

1b. Christi fidem, in qua fulsit,
Praedicavit et avulsit
Errores gentilium.

2 a. Cbristianae fides turbae
Praeelegit hunc in urbe
Praesulem Sebastiae,

2 b. Monargiae scandens montem
Vitam sanctam et insontem
Duxit solitarie.

3 a. Hunc agrestes lustrant ferae,
Per quem gaudent obtinere
Sospitatis gaudia ;

3 b. Quem fidelis offert anus,
Est effectus puer sanus
Sancti per subsidia.

4 a. Bellatoris corpus dari
Praeses jubet, lacerari
Ferreis pectinibus,

4b. Mulieres septem bonae
Assistentes in agone
Poenis dantur paribus.

5 a. Lacus totus exarescit,
Aqua tota extabescit,
Dum sanctus ingreditur,

5 b. Infideles hunc sequuntur
Et renato submerguntur
Lacu, dum egreditur.

6 a. Jussu tandem praesidali
Poenae datur capitali
Cum duobus pueris ;

6 b. Cujus precum interventu
Collocemur in conventu
Coelesti cum superis.