193. De sancto Briccio.

la. In natale tanti viri

gaudeat haec concio.

1b. Ut per ipsum liberari
possit a supplicio.

2 a. Qui temptatus, ut peccaret,
fuit a daemonio,

2b. Saepe sibi proclamante:
eia te, Briccio.

3 a. Sed vir sanctus mundum
spernens
et mundus a vitio

3 b. Castus vixit et immunis
ab omni contagio.

4 a. Hoc probavit ignis ardens,
quem portavit pallio,

4 b. Et hoc Christus demonstravit
infantis eloquio.

5 a. Pulsus, tractus, exsul factus
plebis maleficio,

5 b. Dum plebs saevit, sanctus
flevit
cum magno suspicio,

6 a. Pro beati juste pati
se dicens opprobrio,

6 b. Romam tendit, Papae pandit,
datur benedictio.

7 a. Hunc honorat ac decorat,
restaurat officio,

7 b. Ejulavit, qui peccavit,
in sancti convitio.

8 a. Celebravit, consecravit
divinum mysterium,

8 b. Dum veniret et adiret
Turonis ovilium.

9 a. Armentinus repentinus
mortis in exsilio

9 b. Pastorali cathedrali
locatur in solio.

10 a. Dei dona multa bona
ministrat in propria,

10 b. Post septenis vivens annis
migravit in gloria.

11a. Ejus pia suffragia

perducant ad gaudia.

11b. In sanctorum patria,
ubi pax et gratia.