196. De sancto Calixto.

la. Mater Sion gloriosa,
Hierusalem filia,

1b. Jucundetur Deo libans
vocum modulamina.

2 a. Jucundare, dies ista
tibi confert gaudia,

2b. Quae Calixti viri sancti
refert natalitia.

3 a. Hic Calixtus ab aetate
juventutis florida
Famulatur regi suo
servitute fervida.

3 b. In quo dulci famulatu
zabuli familia
Adversatur famulanti
veri Dei nescia.

4a. Contra fidem conterendam
surgit idolatria,
Nazareos Dei viros
provocat ad proelia.

4b. Horum unus, vir Romanus,
Petri trahens retia,
Coartatur, dum piscatur,
raptus ad judicia.

5 a. Imperantis Alexandri
ductus ad praetoria,
De neganda Christi fide
suscipit contraria.

5 b. Nega Christum, inquit praeses,
et diis sacrifica,
Alioquin per tormenta
peribis horrifica.

6 a. Praeses ait, Deos colis,
hominum simulacra,
Ego Deum vivum colo,
qui creavit omnia.

6 b. Qui creavit coelum, terram
et fundavit maria,
Hanc adoro nec formido,
quaevis fer supplicia.

7 a. Hoc relatu praeses motus
ferali dementia
Sub horrenda jubet claudi
carceris angustia.

7b. Clausus ergo Christi miles
premitur inedia
Et addictus poenis diris
vicit patientia.

8 a. Sic tyranno superato
palmam de victoria
Infert coelo, congaudenti
gaudeat ecclesia.

8 b. O Calixte, quo concive
gaudet coeli 6uria,
Te precamur, nobis adsis
reddens prima gaudia.