197. De sancto Carlilefo.

la. Clare rutilans
symphonia
dulci resonet melodia

1b. Phtongis paribus
metricata
phalanx reboet ac librata.

2 a. Sancti patria
digne gesta
anni orbita revoluta

2 b. Pandat plectrica
voce summa
omnis concio atque tanta.

3 a. Succincto perplexa
ordine harmonia
terminatis magadis
resultet sonora

3 b. Cunctaque per loca
Quantitate discreta
castigatis nervulis
musica psallat.

4 a. Quinque conlectet
species prima
cordulis tensa
bis spatia bina,

4 b. Quibus tonorum
efficit summa
et diapente
dat regulam rectam.

5 a. Inter haec

terna tonorum spatia
bina occurrit
semitonii inaequalitas

5 b. Imparque

proportionalitas,
sicque succrescit
constitutionis duplica.

6 a. Post quam diatessaronica
proportio est altera

6 b. Binarii tono gemino
semitonio atque acta.

7 a. ''Tonis geminis
''geminatis
stat symphonia
diapasonica,

7 b. Octonarii
singularis
perfectione
nervis exposita.

8 a. Finis primae mesanica
initium secundae
bis diapason
complet melodiam.

8 b. His est omnis cantilena
melodiis cauenda,
quidquid resonat
omnis sympbonia.

9 a. Hac in sancti hodierna
Karilepphi gratia
Tibi, Christe, regi regum,

damus laudes inclitas.

9 b. Quem regnantem super aethra
coeli laudant agmina,
Sanctus, sanctus terque sanc-
tus
semper proclamantia.

10 a. Quem adorat summa coeli
terrae nec ne machina,
Supplicamus corde puro
menteque humillima

10 b. Hujus sancti confessoris
juves nos clementia,
Qui cum sanctis tecum regnat
per saeculorum saecula.