198. De ss. Cassiano et Hippolyto.

la. Laudes Deo modulizet
solemnis ecclesia,

1b. Laureata triumphali
martyrum victoria,

2 a. Qui Jerusalem coelestis
ornant aedificia,

2 b. Sardii inter beryllos,
rosae inter lilia.

3 a. Purpura regis induta
legio pulcherrima,

3 b. Suavissimi odoris

facta Deo victima.

4 a. Hi bellatores,

Qui tenentur regis David
Sion propugnacula,

4 b. Triumphatores,

Quorum stolas sanguis lavit
Agni sine macula.

5 a. Felix eorum conflictus
et felix victoria,
Brevis poena, merces plena,
sine fine gloria.

5 b. Agnum sequentes occisum
gestant diademata
Et theologa concinnant
exsultantes pneumata.

6 a. Horum stemma ornat gemma
Nobis splendens
Et egregie praetendens
Passionis documenta,

6b. Cassianus, qui per manus
Pueriles

Gloriosus Dei miles
Mortis passus est tor-
menta.

7 a. Eruditor puerorum
Caeditur stilis eorum
Tyranni sententia,

7 b. A discipulis in schola,
Pueris aetate sola,
Fit magister hostia.

8a. Felix ille magistratus,
Infelix discipulatus,
Nocens pueritia;

8 b. Ille nutrit, isti caedunt

Ille docet, isti laedunt,

Bono dant contraria.

9 a. Psallat ergo puerilis
martyri laetitia,

9b. Quem non bene puerilis
libavit saevitia.

10 a. Cum quo gaudet et trophaei
Et hujus festae diei
Hippolytus gaudia,

10 b. Pro amara passione
Laetus clara mansione
In coelesti regia.

11a. Jaspides duo micantes
Die juncti superis
Hodierna,

11b. Nos vobis solemnizantes
Ferte precum humeris
In superna.

12 a. Adjuvante generali

sanctorum frequentia

12 b. Et praestante rege regum,
cui laus et gloria.