199. De sancta Cilinia.

la. Gaudeat et jubilet
fidelis ecclesia,

1b. Solemnizans renovet
hodierna gaudia.

2 a. Dies est sacrata,
qua subit coelorum
palatia

2 b. Mater gloriosa,

devota Christo, sancta
Cilinia.

3 a. Sacer vates Montanus
audivit secreta
coelestia,

3 b. Quod per eam Galliae
parceret divina
clementia.

4a. Nec mora, nuntiat,
qualis fuerit sententia,
Dicens: paries
filium, cui Deus sacra
committet
plebis regimina.

4b. O benedicta

talem portantia viscera,

Qui lacte matris

manu sacrata caecum vatem

perungens

reddidit lumina.

5 a. O quanta supernorum
civium cura
creditur de salute nostra,

5 b. Nam precibus illorum
diu sterili
fecunditas est renovata.

6 a. Igitur germinantia
terrae cuncta
benedicant voce pura
et collaudent tua,
summe Deus, opera.

6 b. Ex cujus prudentia
est concessa

matri sanctae proles sancta,
coelo digna, per quam
gens Francorum inclita

7 a. Verae fidei sacramenta
est assecuta,

7 b. Ut mereatur sempiterna
coeli gaudia.

8 a. Ideo te rogamus,
Dei electa,

8 b. Ut nostra excuses
delicta tua

9. Prece benigna
in coeli curia.