200. De sancta Clara.

la. Sonet vox ecclesiae
Digna laudes hodie
Virginis eximiae,
Sanctae Clarae.

1b. O digna memoriae,
Quae cum rege gloriae
Palmam fers victoriae,
Gratulare.

2 a. Cui merces operis
Solvitur cum superis,
Quia sponso frueris,
Quem amasti.

2 b. Quanto carne nobilis,
Tanto magis caeteris
Humilem puellulis
Te donasti.

3 a. Adhuc virgo tenera,

Mundi spernens prospera,
Poenitentis aspera
Suscepisti.

3 b. Sub Prancisci formula
Kelinquendo singula
Perfecta discipula
Tu vixisti.

4 a. Jam congaudent angeli,
Quod in sexu fragili
Fluxum diri saeculi
Conculcasti.

4 b. Hic exemplo vigili
Nos in carne simili
Sub procella labili
Confortasti.

5 a. Clara, candens lilium,
Forma, flos humilium,
Tuum per auxilium
Consolemur.

5 b. Ora Dei filium,

Spes sanctorum milium,
Ut post hoc exilium,
Coronemur.