201. De sancta Clara.

la. En in regno claritatis
Clara regnat cum beatis
Virgo cum virginibus,

1b. Juncta sponso castitatis
Gaudet nuptiis optatis,
Aeternis amplexibus.

2 a. Clara stirpe generosa
Claris claret actibus,
Nominata necdum nata
Est praeventa laudibus.

2 b. Haec Franciscum imitata
Mundi spretis opibus,
Altis votis elevata
Praevolat virtutibus.

3 a. Haec in claustro paupertatis
Sese Christo dedicat
Et exempla sanctitatis
In orbe multiplicat.

3 b. Haec magistra dominarum,
Felix primiceria,
Greges ducit puellarum
Ad Christi connubia.

4 a. Casta membra cruce terit.
Crucifixum corde gerit
Crucis amans glorias;

4 b. O quam dura vestitura
Macerare membra pura
Suas docet filias.

5 a. Orat, civis liberatur,
Gens profana difiugatur,
Pelluntur daemonia.

5 b. Mire panis augmentatur
Oleumque coelo datur
Sanantur languentia.

6 a. Digne tanti reputatur,
Quod infirmans honoratur
Papali praesentia;

6 b. A regina visitatur,
Transitura palliatur
Yirginum solertia.

7 a. Scandit coelos laureata,
Cum beatis jam beata,
Probant mirabilia;

7 b. Luce clara vocitata,
Cujus claret decorata
Floribus ecclesia.

8 a. Virgo Clara
Tuis para

Devotis hospitia,

8b. Per te data
Sint optata

Salus, quies, gloria.