205. De sancto Clemente.

la. Glorietur Gallia
Clementis clementia,
Quae misit divinitus

1b. Athletam Macarium
Adversus Mercurium
Conterendum penitus.

2 a. Tertius ecclesiae

Romanae Clemens pie
Episcopus praefuit,

2 b. Informatus moribus
Petri nostris gentibus
Et Judaeis placuit.

3 a. Insidians impius
Uxori Sisinius
Caecus, surdus redditur,

3 b. Sed Clementis precibus
Renovatis sensibus
Sanus reefficitur.

4 a. Sed ut morum floribus
Velut ver redoluit,
Paganis dolentibus
Trajanum non latuit.

4b. Rescribit: Diis praebeat
Clemens sacrificium,
Aut trans mare subeat
Chersonae exsilium.

5 a. Mamertinus igitur

Tentat hunc pervertere,
Sed hunc Clemens nititur
Ad fidem perducere.

5b. Tanta Deus gratia

Suum testem imbuit,
Quod et neeessaria
Judex navi tribuit.

6 a. Cum ad locum pervenerunt,
Exsulatos invenerunt
Plus quam duo milia ;

6 b. Marmoribus hi secandis
Damnabantur a damnandis,
Quibus dixit talia:

7 a. Ut sim consolationis
Consors sicut passionis,
Missus sum cum miseris.

7 b. Ut aquam gravi taedio
De sexto miliario
Ferri novit humeris,

8a. Inquit: Tu qui percussisti,
Deus, petram et dedisti
Aquam in abundantiam,
Hanc releves inopiam.

8b. Post hoc vidit agnum Dei,
Qui ostendit locum ei,
Fodiensque sarculo
Potum dedit populo.

9 a. Ad hanc famam baptizantur
Quingenti, fana vastantur,
Septuaginta fundantur
Et quinque ecclesiae.

9 b. Per populum tunc paganum
Fama currit ad Trajanum,
Qui misit Arfidianum,
Ministrum perfidiae.

10 a. Qui cum sanctum intuetur,
Jubet anchora ligetur
Collo et praecipitetur
Sic in maris medium.

10 b. Quo facto suis flentibus
Et ad eum orantibus,
Tribus recessit milibus,
Cernunt domicilium

11a. Sancti, locum saxeum
Et templum marmoreum.

11b. Tam pia victoria

Praestet nobis gaudia.