206. De sancto Cortiniano.

1. Deus deorum,
vera sanctorum
confessorum
gloria tuorum,

2a. Hoc sacro confessore
cum levi pacto nomine

2 b. Gloria et honore

coronasti eum, Domine.

3a. Posthumus natus
vocatus
fit patris nomine,

3 b. Sed matri gratus
mutatus
nominis omine.

4 a. Corbinianus,
cor binum
gerens, crementa
geminae caritatis

4b. In terris sevit,
quod crevit,
sinus implevit
messibus centuplatis.

5 a. Nobilis indolis

mundi pompis frivolis,
lusibus subdolis

5 b. Restitit propere
cordis, oris, operis
strenuus opere.

6 a. Rimatur grammata
psalmidica,
sectatur dogmata
dominica,
rimando, sectando
scripta lectitat,
actitat
operando.

6 b. Carnis illecebris
obstat crebris,
orans jejuniis,
vigiliis,

mansuetus, quietus,
castus, sobrius,
humilis,
prudens, pius.

7 a. Cum subterfugia
quaerit, honorum
majorum
crescit gloria.

7 b. Nam sacerdotio
papatus donat,
coronat
pontificio.

8 a. In via fessum,
famem perpessum
per piscem aquila
sanctum pavit.

8b. Jussu domatur
ursus, saginatur
jugalis vice, quem
nece stravit.

9 a. Furem mula reportavit
abiens, qui eam
stimulavit.

9 b. Latro vitae redit sanus,
pensus patibulo
triduanus.

10 a. Montem baculo fodit,
fons siliens prodit,
lux oranti mane
fulgens sane
coelitus se prodit.

10 b. Odoris residuum
manet per triduum,
praescit vitae metam,
intrat laetam
aulam spirituum.

11a. Terrae mandata

servans pignora beata
stat Frisingia laureata.

11b. Spes datur orbi,

morbi quilibet curantur,
arrepticii liberantur.

12 a. Dux bone,
pater patrone,
paterna
prece pia
in aeterna gloria
nobis adsis memoria.

12 b. Cunctorum

laus confessorum,

corona,

merces bona,

Christe, nobis praemia

cum eia da coelestia.