207. De ss. Cosma et Damiano.

1 a. Tenerentur Christiani
Gloriosi Damiani
Cosmique solemnia,

1b. Quos effudit venter unus,
Votum, vita, fides, funus
Quos unit per omnia.

2 a. Horum quidem fervens votum
Ad supernam tendit totum
Et suspirat patriam,

2 b. Vita docet intuentes,

Fides pugnat inter gentes,
Vincit idolatriam.

3 a. Sic ad sanctum funus tendunt
Et humana vilipendunt
Intenti coelestibus,

3 b. Gratis praestant medicinae
Curam aegris et doctrinae
Salutem errantibus.

4a. Temptat praeses infidelis,
Ut ad scelus fixum caelis
Fratrum trahat spiritum,

4b. Sed dum simul stant invicti,
Post tormenta sunt addicti
Pari poenae capitum.

5 a. Horum ergo sub honore
Sonet dulcis et canorae
Vocis jubilatio,

5 b. Ut in festo jubilaei
Nostra sit in domo Dei
Cum ipsis cantatio.