212. De ss. Cyrico et Julitta.

1. Pangat simul, eja,
praesens caterva

2 a. Saeculo veneranda
martyrum certamina,

2b. Qui dudum carnis cuncta
calcarunt supplicia.

3 a. Tibi gloria

ac virtus sit, Christe, omnia
ner saecula,

3 b. Cujus gratia

contulit sanctis triumphandi
constantiam.

4 a. Ecce hodie
redit annua
Dies lucida,
qua de terra
insontem Cyricum
sublimasti
super ardua
coeli sidera.
Cujus inclita
genitrix Julitta
coelica
infanti

propinabat pocula.
Inter dulcia
amplexus oscula,
admonens, terrea
ne unquam
formidaret verbera.

4b. Statim fidei
tectus galea
Coram praesidis
Alexandri

perductus conspectu
adhuc trinus
se Christicolam
ultra reboat.
O quam stupenda
in sanctis pietas
Domini,
o magna
ipsius clementia !
Qui necdum verba
tonare poterat,
respuit idola
et mira
restitit facundia.

5 a. Hinc laus sit aeterna,
virtus ac magnificentia,

5 b. Jesu boue, per cuncta
tibi saeculorum saecula.

6. Amen simul

clangat vox nostra.