215. De sancto Demetrio.

1 a. Regnum emit, pro quo demit
Tria pius a se prius
Athleta Demetrius ;

1b. Sic impletur ejus omen,
Ut laudetur juxta nomen
Suum efficacius.

2 a. Demit tria sane, quia

Mundi sensum, fastum, censum
Abdicavit penitus.

2b. Emit eo, quod se Deo
Voto, prece, vita, nece
Dedicavit funditus.

3 a. Non hunc favor promissorum
Neque pavor tormentorum
Potuerunt vincere,

3b. Quin constanter, incessanter
Christi fidem palam quidem
Praedicaret libere.

4 a. Ob hoc captus, vinctus, raptus

Condemnatur et uecatur,

Perforatur lanceis:

4b. Per hanc mortem ad cohortem
Angelorum beatorum
Pervenit cum laureis.

5 a. Marianum fecit sanum,

Non est vanum, ejus manum
Adjutricem poscere;

5 b. Hunc precemur, ut purgemur
Et lucremur, quod donemur
Salvandorum dexterae.