218. De sancto Edmundo.

1 a. Laetabundus

Edmundo decantet mundus,
Alleluja,

1b. Qui jucundus

Exsultat in Deo mundus
In gloria.

2 a. Edmundi memoria
Per mundi confinia
Viget cara,

2 b. Corporis praesentia
Erit in ecclesia
Semper clara.

3 a. Oppressis daemonibus
Ejus est hominibus
Virtus nota,

3 b. De diversis Partibus
Concurrit cum laudibus
Plebs devota.

4a. Laetetur religio
Sancti patrocinio
Praemunita,

4 b. De cujus consortio
Coeli gaudet legio
Infinita.

5 a. Populis est cognitum,
Ad videndum deditum
Corpus sancti, positum
Sancta theca.

5 b. Per hunc mutus cecinit,
Aeger sanum meminit,
Creatura desinit
Essae caeca.

6 a. Hujus sunt opera,
Velut innumera,
Quae docet visus
et litera.

6 b. Hic prece prospera
De valle misera
Nos regna ducat
ad supera.