222. De sancta Eusebia.

1, Pulsis luctus tenebris
Adest nobis celebris
Novae lux laetitiae,

2 a. Votis, vita, vocibus
Insistamus laudibus
Praecluis Eusebiae,

2 b. Cujus mores, actio
Laus, virtus, devotio
Trames sunt justitiae.

8 a. A primaevo tempore
Miro fulta robore
Maturescit moribus,

3 b. Matris paret monitis,
Matrem aequat meritis,
Matri compar actibus.

4 a. Aetas, sexus, dignitas,
Census vel prosperitas
Non ad res illicitas
Ejus flectunt semitas.

4 b. Haec Abysag mystica,
Axa Caleph typica
In cella Hammatica
Vita vivit coelica.

5 a. Nata Jepte
Nil inepte
Machinatur,
Dum sacratur

Deo placens hostia,

5 b. Arens lignum
Praestat signum
Vitae mundae,
Cum fecunde

Nova promit folia.

6 a. Martyr mente,
Nam attente
Carnem domat,
Ne quid promat

Contra legem spiritus ;

6 b. Tecta velo
Vacat caelo,
Fervet zelo,
Zeli telo

Vulnerata coelitus.

7 a. O lucerna luminosa,
Margarita pretiosa,
O navis institoria,
Phiala libatoria.

7 b. Sis adjutrix copiosa,
Nostri custos operosa,
Tres signis est notoria,
Onam felix sis in gloria.

8 a. Nostris votis obsecunda,
Nos emenda vita munda,
Fide funda
Et fecunda,

Duc ad lucis atria.

8b. Ubi nec vis est nec poena
Sed pax, salus, quies plena,
Vitae vena,
Lux amoena,
Ubi Deus omnia.

9. Amen dicant omnia.