223. De sancto Eutropio.

1. Plectrum linguae moderetur
Et affectus excitetur
Vocum consonantia,

2 a. Lyrae chorda temperetur
Et in servo collaudetur
Rex, qui regit omnia.

2 b. Non discordet voci vita,
Si vox cordi sit unita,
Dulcis est symphonia.

3 a. Decantemus in hac die

Entropii pii pie
Pia natalitia,

3 b. Discant omnes et discant sin-
guli,
Xantonensis hic salus populi
Lux, decus et hostia.

4 a. O quam felix, quam praeclarus
Fuit martyr Deo carus
Ex regum propagine,

4b. Summi regis opera
Videns sprevit prospera
Cum mundi caligine.

5 a. Erat praesens in deserto,
Cursu currens tunc incerto,
Quando quioque milia

5 b. Panis vivus satiavit,

Bis sex sportas cumulavit
Quinque panum copia.

6 a. Et in urbe Jebusaea

Erat, quando plebs Hebraea
Christo venit obvia,

6 b. Lazaro jam suscitato
Parum ante circumdato
A Judaeis Messia.

7 a. Haec et plura vidit signa
Salvatoris fide digna
Felix hic Eutropius,

7 b. Mente Christo jungitur.
Cujus mortis nititur
Felix fore socius.

8 a. Cum audisset Christum passum
Mortem crucis, non incassum
Jam passo compatitur ;

8 b. Mox relictis omnibus,
Auro, gemmis, opibus
Ad has partes mittitur.

9 a. Vita signis
Vir insignis
Corde, ore
Miro more

Verbum Dei praedicat,

9 b. Multi credunt,
Morbi cedunt,
Moestis risum,
Caecis visum

Reddit, aegros visitat.

10 a. Mandi facit contemptores
Deo parcos et victores,
Morbos fugat et languores,
Reprimit daemonia.

10 b. Dat captivis libertatem,
Vitae confert novitatem,
Ditat dictam civitatem
Morum affluentia.

11a. Christi martyr, lux decora,
Prece pia Christum ora
Et pro nobis nunc implora
Ejus patrocinia.

11b. Nostra salus, spes reorum,
Consors regni beatorum,
Pressos mole vitiorum
Deo reconcilia.

12 a. Assistentes tuae laudi,
Pretiose martyr, audi,
Quos hic soles confovere,
Post hanc vitam lucis verae
Transfer ad palatia.

12b. Quos hic Christo scis servire,
Ora poenas non sentire,
Sed cum dies erit irae,
Nobis confer et largire
Sempiterna gaudia.