224. De sancto Everardo.

la. Militis eximii
Concio Cysonii
Recolat memoriam,

1b. Qui praesentem praedio
Digniter in proprio
Fundavit ecclesiam.

2 a. Hic illustris actibus,
Parentela, moribus
Eleganter claruit,

2 b. Atque Christo populum
Colligens incredulum
Bellando perdomuit.

3 a. Tenente Lothano,
Ludovici filio,

Monarchiam Galliae

3 b. Terrae principatui
Hujus et ducatui
Praefuit Italiae.

4 a. Contra gentes perndas
Sclavos, Mauros, Numidas
Ducebat exercitum,

4 b. Ut eas converteret
Et errorem pelleret
Ab ipsis ingenitum.

5 a. Hinc turba gentilium
Sequens evangelium
Fiebat catholica,

5 b. Crescebat religio,
Quia suppositio

Cessabat phantastica.

6 a. At vir beatissimus
Cunctisque gratissimus
Condens monasteria

6 b. Deo servientibus
De suis redditibus
Dabat necessaria.

7 a. Non honor, non dignitas,
Nec rerum prosperitas
Poterant attollere,

7 b. Sic e contra tristia
Supervenientia

Nequibant opprimere.

8 a. Consolator pauperum,
Se servabat exterum
Ab omni superbia,

8 b. Ad coeli palatium,
Ubi pax et gaudium,
Via tendens regia.

9 a. Everarde nobilis.
Patronus immobilis
Nostro sis collegio,

9 b. Ut carmen assiduum
Hic et in perpetuum
Cantet cum tripudio.