225. De sancto Felice.

Ia. Solemni gaudio
Sonet in jubilo
Mater ecclesia

1b. Christi praeconia
Dulci harmonia
Sine molestia.

2 a. Exsultent hodie
Catervae coelicae
Felicis gloria,

2 b. Quem Christi dextera
Vexit ad aethera
Summa victoria.

3 a. Mundus congaudeat,
Ejus ut valeat
Juvari meritis,

3 b. Cujus solemnia
Colit ecclesia
Laudibus debitis.

4a. Nam clarus genere
Pro Christi nomine
Relinquens patriam,

4 b. Cujus juvamine
Veloci remige
Venit Hispaniam.

5 a. Barcinonam, Impuricas
Et Gerundam edocuit,

5 b. Doctrina cujus aurea

Plebs Christum credens
coluit.

6 a. Christi miles dum praedicat
Trinitatis magnalia,

6 b. Rufinus plebem incitat

Ad daemonum servitia.

7 a. Ergo Felix plectitur

Vincens poenae cumulum,

7 b. Quem Christus amplectitur
Praebens vitae pabulum.

8 a. Trahitur, discerpitur
Mulis saevientibus.

8 b. Sanatur, eripitur

Ex marinis fluctibus.

9 a. Gaudet Felix, et Rufinus
Cruciatus duplicati

9 b. Jam in coelis laude dignus
Coram Christo rutilat.

10 a. Alme Felix, martyr Christi
Jesu, pro nobis supplica,

10 b. Ut tecum laudes numini
Persolvamus in gloria.