226. De ss. Fereolo et Ferutio.

la. Triumphali vestitos gloria
Fratres invictissimos

1 b. Veneremur vocum concordia,
Vox invitet animos.

2 a. Felix haec fraternitas,
Quam glutinat sanctitas,
Fereolum caritas
Ferutio.

2b. Alter sacerdotio,
Alter diaconio
Functi cadunt gladio
Sub Claudio.

3 a. Hi refulgent miris signis,
Hi confirmant dicta dignis
Virtutum operibus.

3b. Lingua nequit explicare,
Quae per eos declarare
Vult Deus fidelibus.

4 a. Miratur super his
Instigator sceleris

4b. Quod verba proferat,
Quem lingua privaverat.

5 a. O fides, o virtus,
O digna laudibus
Martyrum constantia !

5 b. Nec minis nec poenis
Nec terret fustibus
Tyranni saevitia.

6a. Ad trocbleas extenduntur
Et flagellis conciduntur
Et malleis infiguntur
Subulae corporibus,

6 b. In his sancti non turbantur,
Sed ad palmam roberantur,
Tandem caesis coronantur
Martyres capitibus.

7. Coelum patet spiritibus,
Horum muniamur precibus.