228.

De sancta Fide.

la. Sanctae Fidis ad honorem
Qui spem dedit et fervorem
Fidei cultoribus,

1 b. Psallat chorus, psallant corda
Et concordi pulsent chorda
Conjunctis psallentibus.

2 a. Haec est virgo benedicta
Et pro fide Fides dicta,
Quam constanter tenuit,

2 b. Cujus igne sic ignita
Et amore sic munita,
Quod in nullo timuit.

3 a. Nam in poenis non expavit
Sed in flammis exsultavit
Prauis crepitantibus,

3 b. Nullam tamen laesionera,
Nullam sensit ustionem
Cunctis admirantibus.

4 a. Miro modo visitata

Per columbam, sic sedata
Statim sunt incendia,

4b. Quae in rorem sunt conversa,
Non est tamen hinc conversa
Praesidis insania.

5 a. Sed in ipsam magis saevit,
Decollari mox decrevit
Ejus ob constantiam ;

5 b. Sic ad sponsum sponsa venit,
Quem pro nobis orans lenit
Impetrando veniam.