230. De s. Firmino Martyre.

la. Uvam calcat Ambianis
Sibi missam ab Hispanis
De Christi propagine,

1b. Uva pressa torculari
Se prementem salutari
Respersit dulcedine.

2 a. Si Firminum praeses pressit,

Praesul firmus nunquam cessit,
Ut vincat, dum patitur;

2 b. Praeses premens, praesul pres-
sus,
Prius tamen praeses fessus
Quam praesul, dumpremitur.

3 a. Terrae datus diu latet,
Sed nocturno sole patet
Et hibernis floribus

3 b. Hic odoris fons amoeni
Sicut odor agri pleni
Benedictionibus.

4 a. Hujus mira vis odoris

Mundat intus, mundat foris
Quodcunque contagium ;

4b. Mundat longe, mundat prope,
De leprosis ejus ope
Miles valle gentium.

5 a. O martyr floride,
Sic nobis provide
De te sperantibus,

5 b. Quod post hoc stadium
Optatum bravium
Detur currentibus.