232. De sancto Francisco.

1 a. Cor devotum inflammetur
Et Francisci celebretur
Devota solemnitas,

1b. Crucifixus hic secundus,
Crucifixus fuit mundus
Huic et mundi vanitas.

2 a. Crucifixi primi Christi
Mors et vita fuit isti
Jugis meditatio,

2 b. Cujus cordis vim fervoris
Ostendit per membra foris
Stigmatum impressio.

3 a. Foris lucet, intus ardet,
Ut se cunctis exemplar det
Quaerendi coelestia.

3 b. Ordo minor, ordo Clarae,
Sancte, praetendunt te clare
Et de poenitentia.

4 a. Crucifixe, singulari
Modo cruci conformari
Mente sic et habitu

4b. Fac nos, ut in regno lucis
Perfruamur fructu crucis
Quo crederis fruitu.