CAMERACEN. 231

stimonium sororis Mariae Dennequin, extraiudiciale, quae cum Maria saepius eodem in lecto dormiverat, quaeque dixit sororem suam singulis quinque vel sex hebdomadibus men- strua passam esse. Hoc indicium femineum sexum clarissime demonstrare dicitur. Zacchias, Quaes. med. leg. 1. 7, Tit. 1, q. 8, n. 20, ita habet: « Monendum quod excretio menstrua cum carentia testium facit sufficientissimam probationem fe- minini sexus etiamsi plura alia vigerent pro sexu masculino, et etiamsi insigne membrum virile adesset: indicat enim ex- cretio menstrua internum hominis temperamentum, et mulie- brium genitalium perfectam constitutionem, qua stante, im- possibile est virilia genitalia ad eam perfectionem, uno eo- demque tempore pervenire posse. » - 2. Desideratus Lemort et coniux eius Maria Dennequin, utpote generatim hac no- stra aetate, praesertim in Gallia operarii, corruptis sunt moribus. R. Parochus loci Steemwerck, ubi commoratur Maria Dennequin, scribit ad Cl. Defensorem Matrimonii: virum cognovisse, ante matrimonii celebrationem, statum suae fu- turae uxoris, quia apud utrumque pudoris virtus haud aesti- mabatur tanti ut Parochus retulit. Ex his liquet, eos an- tequam legitime coniuncti essent, induisisse iam amoribus. Quomodo igitur fieri potest, ut Lemort post connubium tan- tum animadverterat in Maria Dennequin deficientiam feminei sexus? 3. Quid de Maria Dennequin sentiat eius parochus, aperit quam clarissime in litteris datis ad Cl. Defensorem Matrimonii. - Post tam gravia testimonia, quamvis extra- iudicialia, quis nos cogere posset, ut credamus iis quae ma- ter Lemort iudicialiter affert utpote a Maria Dennequin di- cta, quae eam pudicam ac sanctam ostenderent? Quum enim interrogaretur Maria cur impotens quum esset, coniugium contraxerit, responsum dedit, se nullam intelligentiam rei matrimonialis habuisse. Incredibile sane videtur, Mariam po- tuisse haec dicere matri Lemort, quantumvis eam facilem ad credendum habuisset; 4. Desideratus Lemort de se ipso non erubescit ad Archiepiscopum suum Reverendissimum Thi- baudier scribere: ad veritatem dicendam, confiteor, me decem