236. De sancto Francisco.

la. De Francisco confessore,
Magno facto de minore,
Gaudeat ecclesia,

1b. Cor fervescat in amore,
Laudes concrepet in ore
Sitque manus socia

2 a. Hic est nova mundi stella,
Rosa rubens et novella,
Rubens agni sanguine ;

2b. Hujus salvet nos fiscella,
Hujus lingua lac et mella
Dat de plenitudine.

3 a. Ecce novus crucifixus,
Cruci crucifixi fixus,
Crucis florens germine

3 b. Hic in cruce mente fixus
Super passum est innixus
Passus in imagine.

4 a. Stupet in plagis natura,
Quas in carne cernit pura
Passionis nescia:

4 b. Nulla frangit banc fractura,
Mira ponit in factura
Factor beneficia.

5 a. Hujus corpus passionis
Expers novis gaudet donis,
Nulli fit haec datio,

5 b. Signa sunt redemptionis,
Hujus iterationis

Causam subdit ratio.

6 a. Passionis antiquata
Signa fulgent geminata,
Ne ruat memoria:

6 b. Haec talenta quinque data

Servo sed multiplicata

Caute lucri gratia.

7 a. Dux minorum
Beatorum

Duci prode vulnera,

7 b. Ut ad forum
Nos sanctorum

Perducat post funera.