237. De sancto Fusciniano.

la. Athletarum

Christi victoria
Recolatur

jugi laetitia,
Cujus dulci

semper memoria
Exsultabunt

sancti in gloria.

1b. Roma quondam

bis senos comites
Christianae

cohortis milites
Misit, per quos

divina gratia
Gallicana

fulget ecclesia.

2 a. Ab his missus

ad gentes ultimas,
Possidentes

oras maritimas,

2 b. Fuscianus

effulsit socia
Victorici

fultus constantia.

3 a. Quibus virtus adfuit

Christi tam magnifica,

3 b. Quod gens illa respuit
Fana diabolica.

4a, Et per fidem roboratam
Doctrina catholica

4b. Messem dedit deo gratam
Cultura dominica.

5 a. Post haec sancti non cedentes
Minis nec pressuris

5 b. Nec tormentis diffidentes
Sociorum duris,

6 a. Ambianis redierunt,
Qua Quintini socii

6 b. Gloriosum audierunt
Examen martyrii.

7 a. Quos ut senex suburbanus,
Vir insignis G-entianus,
Collegit hospitio,

7 b. Praeses ferox et insanus
Et armata secum manus
Venit e vestigio.

8 a. Et dum adstans in ostio
Senex extracto gladio
Sanctos tuere voluit,

8 b. A coetu tentus impio
Mortis sacrae compendio
Vitam beatam meruit.

9 a. Et post Dei famulis
Artatis in vinculis
Saevus instans scapulis
Praeses, dum regreditur,

9 b. In via desaeviens,
Morae jam impatiens
Et cruorem sitiens,
IIIos mox aggreditur.

10 a. Qui, constantjssimis
Sanctorum animis,
Cum poenis plurimis
Vexasset corpora,

10 b. Transversis naribus,
Mersis et auribus,
Clavis candentibus
Afflixit tempora.

11a. Post evulsis oculis,
Abscissis capitibus

11b. Victuros in saeculis

Poenis solvit omnibus.

12 a. Quos donum Dei gratiae,
Quam dignae forent hostiae,
Monstravitpostmartyrium.

12 b. Nam cunctis admirantibus
Suis uterque manibus
Caput erexit proprium.

13 a. Et sui corpus hospitis,

Jam animabus praeditis

Superna coeli gloria,

13 b. Visitaverunt denuo,
Ut exsultarent mutuo
De sepultura socia.

14 a. Unde viri timorati,
Signis tantis excitati,
Venerunt ad exsequias,

14b. Benedicentes Domino
Viventi sine termino
Et referentes gratias.

15 a. Et nos eorum dulcia
Precemur per suffragia,

15 b. Ut festa post baec annua
Ducamur ad continua.

16. Ubi Dei fulti praeseutia,
Exsultantes in coeli curia
Decantemus omnes Alleluja.