238. De sancto Gaugerico.

1. Eja recolamus
laudibus festis festa

2 a. Hujus diei carmina,
[in qua nobis
lux oritur gratissima],

2 b. Quam vir dei transiens
ad aeternam
nobis consecrat patriam.

3 a. Hic infans, editus
parentela
orthodoxa
non minus quam ingenua,

3 b. Magistro traditur,
praematuram
literaturam
mox adeptus et gratiam.

4 a. Dum scholizat,
legit aut orat,
mentem refocillat,
carnem macerat.

4b. Quo se fraudat,
inopes cibat
seris atque mutat
coenis prandia.

5 a. Cunctos vicit
sapientia
grandaevos aetas parvula,

5 b. Quam informat
morum dignitas,
virtutum summa sanctitas.

6 a. Tantaque proficit gratia
Dei providentia,

6 b. Ut sedis Cameracensium
fungeretur cathedra.

7 a. Civitas gaudiosa,

gaude jam et exsulta,
Gaugericum celebra,
eja et eja.

7 b. Canonicorum turma,
monachorum caterva
virginumque agmina,
ferte cantica.

8 a. Laudes organicas

promamus et voces musicas

8 b. Illi, angelica

qui meruit famulamina.

9 a. Ut leprae maculas
et caecas
depulisti tenebras
et fregisti vincla,

9 b. Sic cura animas,
effuga

vitiorum nubila,
captos emancipa.

10 a. Oves tuas ne deseras,
sed per temporalia

10b. Sic nos regas, ut superna
perfruamur patria,

11. In qua tibi

domus est parata.