239. De sancto Gaugerico.

la. In pastoris tui laude,
Pii gregis turma, plaude,
Produc melos et congaude
Tanti patris gloriae.

1 b. Gaugericum dulce sona
Voce dulci, mente bona,
Per quem coeli stillant dona
Tam urbi quam patriae.

2 a. Curat intus atque foris
Boni cura curatoris
Leprae simul et erroris
In leproso maculas.

2 b. Dum damnatos carcer angit,
Hic orando coelum tangit
Et crudeles nexus frangit
Ferrique maniculas.

3 a. Virga sancti, quam gestabat,
Dum oraret, recta stabat,
Coeli quippe sustentabat
Eam adminiculum.

3 b. Pastor bone, salus gregis,
Qui nos salvas, qui nos regis,
Fac nos coenae summi regis
Convivas in saeculum.