241. In Translatione s. Gaugerici.

la. Gaude, Sion, in filio,
Cujus sacra translatio
Te movet ad laetitiam,

1b. Plaude manu prae gaudio
Colens vocis obsequio
Gaugerici memoriam.

2 a. Absit esse collegium

Triste, quod tot magnalium
Virtus velox irradiat,

2 b. Caecus videt, vis febrium
Cessat, fugit daemonium,
Lepra colorem variat.

3 a. Inconsulto piaculo

Praesul quidam cubiculo
Sancti constituens lectulum

3 b. Ejus affatu querulo
Movetur, ut diluculo

Cosurgens mundet loculum.

4 a. Heliodori specie,

Qui thesauros pecuniae
Deferre secum impie

Quondam a templo voluit,

4 b. Rerum miles ecclesiae
Distractor caesus anxie
Sese fractum injuriae
Satisfacturum adstruit.

5 a. Memor Jesu, qui dixerat
Illi, quam liberaverat,
Ut non peccaret amplius,

5b. Dimitti furem imperat
Hortarique, quod egerat,
Ne committat ulterius.

6 a. Furor ignis exstinguitur,
Cum praesulis opponitur
Corpus sanctum incendio ;

6 b. Quod in aede committitur
Scelus, dum sanguis funditur,
Punit in Berengario.

7 a. Ne nos pro malis puniat,
Ergo sic interveniat

Pro nobis, pater luminum,

7 b. Ut, quem ignitus sauciat
Serpens, hunc si respiciat,
A sorde mundet criminum

8. Per Jesum Christum Dominum.