242. De sancta Genovefa.

la. Genovefae translatio

Nos ad superna transferat,

1b. Suspensa desiderio

Mens gustet, quod desiderat.

2 a. Felix ortus, felix vita,

Felix virginis transitus,

2 b. Per quam fiunt infinita
Miracula divinitus.

3 a. Felix et commendabilis
Fuit ejus nativitas,

3 b. In qua fuit ab angelis
Celebrata solemnitas.

4 a. Cujus vitam laudabilem

Commendant dicta praesu-
lum.

4 b. Signa monstrant mirabilem
Facta per hanc in populum.

5 a. Leprosi, caeci, rabidi,
Patientes vertiginem

5 b. Sanati sunt tot morbidi,

Quot venerunt ad virginem.

6 a. Iram divinam temperans
Imperabat daemonibus,

6 b. Plebes et villas liberans
Ab hostibus et cladibus.

7 a. Post mortem nihilominus
Innumera miracula

7 b. Fecit per eam Dominus,
Cui honor per saecula.

8 a. Propter ministros Satanae
Partes vastantes Sequanae,

8 b, Fuit virgo sanctissima

Per loca ducta plurima,

9 a. In quibus virtus virginis
Tot fecit mirabilia,
Quod a mente sunt hominis
Incomprehensibilia.

9 b. Immobilia saliunt

Ad virginis potentiam
Et quietem recipiunt
Ad ipsius praesentiam.

10 a. Tandem virgo reducitur
Ac transitu Veneris

10 O. Jixstinctus reaccenditur
Cereolus a superis.

11a. Apostolo Parisii

Gaudenter huic occurritur,

11b. Nostrique monasterii
Altari superponitur.

12 a. In capsam factam noviter
Transfertur nostra domina,

12 b. Quae transferat finaliter

Nos ad coelorum culmina.