244. De sancto Germano.

la. Repraesentet ecclesia
De Germani victoria

1b. Per nostra ministeria
Christo regi solemnia.

2 a. Relictis mundi gaudiis,
Uxore jam et praediis,

2 b. Christum solum desiderat,
Quem cunctis praeposuerat.

3 a. Armatus armis fidei,
Templum repente fit Dei,

3 b. Votis cunctorum petitur.
Tractus praesul efficitur.

4 a. Ex tunc praesul fit arctius,
Nam panis hordeaceus

4 b. Semel in die sumitur
Et aqua sitis pellitur.

5 a. Praedura vestis conterit
Mollem carnem et operit,

5 b. Cinis praebet ei lectulum,
Tenet cum sopor oculum.

6 a. Caritatis alis binis

Volans sursum, cum divinis

6 b. Mente manet, spretis spinis
Vitae stantis in ruinis.

7 a. Fultus his propugnaculis
Multis fulget miraculis,

7 b. Aegros sanat oraculis.
Reddit et lumen oculis.

8 a. Claudos, lepram, lymphaticos
Curat et paralyticos:

8 b. Huic respondent propere
Leti potiti funere.

9 a. Hujus virga jam arida
Fixa terrae fit florida,

9 b. Crevit ramis sublimibus,
Eius testis virtutibus.

10 a. Hic dat defunctos vivere,
Muro menti sistere,

10 b. Mare quietem ducere
Et flumina non furere.

11a. Angliam bis perfidia
Purgavit a Pelagia,

11b. Mutis reddit eloquia

Verbo frangens incendia.

12 a. Italiam dum peteret
Et se mori conspiceret,

12 b. Poscit, ut corpus redeat,
Ubi praesul exstiterat.

13 a. Tempus praesens disparuit,
Vita perennis claruit,

13b. Nam in coelesti solio
Laetus potitur gaudio.

14 a. Vivens mira multa fecit,
Sed post mortem plus peregit ;

14b. Facit, fecit tunc et modo,
Qui mirando vixit modo.

15 a. Cujus placatus precibus,
Christus peccatis omnibus

15b. Purgatos nos clementia
Dignos reddat et gratia.