245. De sancto Germano.

la. Gloriosis cum modulis
Decantemus nunc praesulis
Germani praeconia,

1b. Eruditus hic literis
Praefecturae cum liberis
Rexit tribunalia.

2 a. Resolutis hinc temporis
Diebus mox Amatoris
Germanus eligitur,

2 b. Multum licet hinc renitens,
Invite tractus relitens
Ad arcem projicitur.

3 a. Antistes dum ordinatur,
Quam habuit, erogatur
Facultas pauperibus ;

3 b. Novis praesul novos mores
Coepit mundanos honores
Postponens coelestibus.

4 a. Uxor datur in sororem
Castitatis propter florem
Servandum summopere,

4 b. Sumpsit postquam dignitatem
Vitae raro sanctitatem
Valet quis exprimere.

5 a. Annis plus quam hic triginta
Praesulatu sedens cuncta
Fide plebem docuit,

5 b. Vitam artans jejunio,
Somno brevi, cilicio
Carnis motus domuit.

6 a. Tunicali veste tanta
Aestatis, hiberno quanta
Tempore contegitur,

6 b. Jacens stratus m cinere,
Ejulans, orans gemere
Crebro non ambigitur.

7 a. Sal, legumen nec frumentum,
Acetum nunquam fomentum
Nec oleum praebuit.

7 b. Jugis ejus cinis fotus
Cum hordeo latex potus,
Aliud nil aluit.

8 a. Ob honorem hic divinum
Bis in anno solet vinum
Aquae mixtum sumere,

8 b. Digne sancti glossa mores,
Virtutum signa, squalores
Non valescit promere.

9 a. Orbis fines illustrari,
Mira per hunc operari,
Dei virtus voluit:

9 b. Refulgentem miraculis
Veneremur, a vinculis
Qui detentos eruit.

10 a. Ex animis redivivit
Puer, pontus obedivit
Per oleum sedatus.

10 b. Norunt opem et Britones,
Dum alle promens Saxones
Fugat luja praelatus.

11a. Sepulti fit per sepultum
Suffragio sancti fultum
In coelesti solio,

11b. Ignis ejus hospitium

Transcendens fert nil noxiam
Sed ceteris ustio.

12a. Stramen aegris oppositum
Salutem dat suppositum
Praesulis in lectulo,

12 b. A tumulo suscitatus

Hunc defunctus est affatus
Stante praesul populo.

13 a. Plebis resecat errores
Daemonis cujus terrores
Secedunt intuitu.

13b. Invitatus ad transitum
Suis detexit obitum
Sancto plenus spiritu.

14a. Sub feretro dum recumbit
Femina, sanctus retundit
Paralysim et refundit
Corporis sanitatem.

14 b. Consolatur hic egentes,
Suffragatur vehementes,
Moestos efficit gaudentes
Per sui largitatem.

15 a. Orbi vident, muti fantur,
Claudis gressus solidantur,
Surdis aures reserantur,
Cunctos ope ditavit.

15 b. Praesul sanctam morti datus
Vercillis aulam dotatus
Angelis lucis vallatus,
Pactum sequens dicavit.

16 a. Veni, pater o Germane,
Adsiste seroque mane,
Condescende nunc et mane,
Da servulis illud mane,
Quod non habet vesperum.

16 b. Supplicanus, pastor bone,
Hosti pro nobis oppone
Te, rogamus o patrone,
Offer preces in agone
Conditori siderum.