247. De ss. Gervasio et Protasio.

la. Ad honorem tuum, Christe,
Psallat tibi chorus iste
Martyrum praeconia,

1b. Duo fratres bi fuerunt,
In se pro te pertulerunt
Diversa supplicia.

2 a. Unus dies est natalis,
Quorum pater est Vitalis
Et mater Valeria:

2 b. Clari per progenitores
Sed moribus clariores
Fecit Christi gratia.

3 a. Protasius est vocatus,
Gervasius post hinc natus,
Quem profert martyrium,

3 b. Sancti simul hi nutriti
In fide sunt eruditi
Per sanctum Nazareum.

4 a. Sic in fide roborati
Sunt in fine coronati
Felici martyrio,

4 b. Cum plumbatis est prostratus
Unus, alter decollatus
Sub duce Astasio.

5 a. Vetus homo cruciatur,

Novus vero renovatur

Crescente supplicio,

5 b. Nam requies lapsis datur
Morte vita comparatur,
Dolor cedit gaudio.

6 a. Ex Aegypto transtulisti
Istos atque perfecisti
Palmites in patria ;

6 b. Sic in Christo vera vite
Plantati coelestis vitae
Consequamur gaudia.