251. De sancto Heriberto.

1. Conjubilando
coeli angelica
canant organa

2 a. Praesulis festiva
Heriberti solemnia,

2 b. Cujus ecclesia

venerans colit merita.

3 a. Hinc vox et votiva
carmina
sunt cum dulci melodia.

3 b. Felix hic superna
ardenter
exoptavit post ubera.

4 a. Eruditus mystica
fulcitur vera
philosophia,

4 b. Componuntur intima,
vivere sancti
spiritus schola.

5 a. Fama nominis tota
repletur curia,
penna virtutum celsus
rapitur et potitur
privata Caesaris
gratia.

5 b. Archipontifex sacra
comitur infula:
saeclis pax, salus vera,
sed tibi perpetua
manet, Colonia,
gloria.

6 a. Exturbat inimica
ab ecclesia
verbo haeresis schismata.

6 b. Exsultant rediviva
ad remedia
languorum omnium milia.

7 a. Solvuntur per hunc crimina
poenitentum
et dextra fluit
medicina
petentibus
veniam cunctis solatia.

7 b. Congaudent laete omnia,
alta, ima,
plaudat manibus
omnis terra
concelebrans
haec tam praeclara solemnia

8 a. O sola

Dei mira ac benigna,

mirificans

sic sanctos suos,

clementia,

8 b. Frequentans

continue

sanctum pascha cum

laude nova.

9 a. Tu nobis

haec prospera impetra
tempora.

9 b. Canentum

sint vota grata et fac
superis

10. Jungi tecum
Halleluja.