252. De sancto Hieronymo.

1a. Laudes Christo decantemus
Et devote celebremus
Natale Hieronymi.

1b. Mentorum qualitatem

Pangat vox et quantitatem
Viri illustrissimi.

2 a. En sacerdos magnus vita,
Magnas in doctrina trita,
Magnus sapientia,

2 b. Hic verus Israelita
Et perfectus eremita,
Quem fudit Dalmatia.

3 a. Hic de vanis literarum
Studiis et poetarum
Evocatur verbere,

3 b. Ut sanctarum scripturarum
Atque dictis prophetarum
Delectetur ubere.

4a. Iste doctor est doctorum
Et interpres dubiorum
Suprema scientia,

4 b. Hic est lux catholicorum
Malleus haereticorum,
Nulla palpans vitia.

5 a. Vide, quantus sanctitate
Sit ac morum honestate,
Quantas poenitentia,

5 b. Tunc videbis et probabis
Atque factis comprobabis,
Quantus sit in gloria.

6 a. Si perquiras singulorum
Mores vitasque sanctorum,
Puto, non invenies

6 b. Sanctiorem aut majorem
Ipso atque clariorem,
Si bene discuties.

7 a. Cum sis plenus claritate
Nec non magnus potestate,
Beate Hieronyme,

7 b. Fac, ut summae trinitati
Simus reconciliati
Tuo nos precamine.