253. De sancto Hieronymo.

la. Veni sancte Spiritus,
Tibi nos divinitus

Fac cum sanctis psallere,

1b. Inter quos Hieronymus
Fulget, vir sanctissimus,
Sacro tuo munere.

2 a. Tuo qui charismate
Trino idiomate

Pollens ut sol splenduit,

2 b. Cum mira scientia,
Mira eloquentia
Longe, late claruit.

3 a. Hunc Roma presbyterum,
Bethlehem fructiferum
Christo scribam protulit,

3 b. Qui errorum devia
Correxit et vitia

Et scripturas transtulit.

4 a. Psalmorum maneriem,
Lectionum seriem
Tradidit ecclesiae,

4 b. Qui virtutum studiis
Dignus coeli braviis
Coelum scandit hodie.

5 a. Hujus per suffragium
Christe, solus omnium,
Omne pelle noxium,

5 b. Da virtutis meritum,
Da salutis exitum,
Da perenne gaudium.