254. De sancto Honorato.

la. Ambianis plebs devota,
Gratulare mente tota
Ore, corde, spiritu,

1b. In hac die gloriosa,
Celebri et speciosa
De pastoris transitu

2 a. Honorati, qui honore
Declaratur dignus fore
Signis et miraculis.

2b. Hic est id, quod nominatur,

Nam a cunctis honoratur

Gentibus et populis.

3 a. Hic, dum missam celebravit,
Manus Christi consecravit
Hostiam mirifice,

3 b. Quam adspexit maiuieste

Successore suo teste,

Salvio pontifice.

4 a. Paralysi dissoluti,

Cacci, claudi, surdi muti,
Sunt saluti restituti
Suo medicamine.

4b. Ejus ope caeeae natae
Snnt palpebrae reseratae,
Dum fuerunt confricatae
Altaris velamine.

5 a. Olim consueto more
Ferebatur cum honore
In quadam ecclesia,

5 b. In qua pendens forma Christi
Crucifixi monstrans isti
Praebuit obsequia.

6 a. Nam qua parte ferebatur,

Illuc statim vertebatur

Crucifixi species:

6b. Quod devote retulerunt

Omnes, qui hanc conspexerunt,
Se vertentem pluries

7 a. Ad hunc ergo tam beatum,
Tot et tantis approbatum
Recurramus Honoratum,
Qui nostrum purget reatum
Per sua suffragia.

7 b. Ut per tantum advocatum
Videamus increatum,
Deum patrem, Deum natum
Amborumque sacrum flatum
Eegnantem in gloria.