260. De sancto Jacobo.

la. Plaude terra, coelum gaude,
Recolantur digna laude
Jacobi solemnia.

1b. Totus orbis jucundetur,
Jucundando moduletur
In eius victoria.

2 a. Hinc Zebedaei filius

Vocem secutus Domini,
Post duos specialius
Adbaesit Deo homini.

2 b. Vidit sub lucis radio

Verbum patris in gloria,
Cujus sub carnis pallio
Celabatur potentia.

3 a. Quos elegit ab aliis

Tanti secreti conscios,
Honorantur prae ceteris
Amoris privilegio.

3b. Istis pavore, taedio,

Sacri sudore sanguinis
Alto probat mysterio
Veram naturam hominis.

4 a. Istis surgens ab inferis
Apparuit piscantibus,
Assi piscis atque panis
Mysticis donans dapibus.

4 b. His piscium in captura

Praesignat sub mysterio,
Quae sanctorum sit futura
Ad dexteram electio.

5 a. Quos patris unigenitus
Primitus informaverat,
Hos debriavit spiritus
Ebrietate sobria.

5 b. Ebrietatem spiritus

De fonte sapientiae
Bibunt conducti coelitus
Novae cultores vineae.

6 a. Cujus cultor Jacobus
Triturabat aream,

6 b. Dilatans ingressibus

Pullulantem vineam.

7 a. Tandem calix propinatur,
De quo bibens coronatur
Sub Herodis gladio;

7b. Sic adepta sede regni

Oret Christum, nos perenni
Frui vitae praemio.