263. De ss. Innocentibus.

la. Psallat Christo parvula
puerorum catervula

1b. Modulatis dulcia

vocibus dantes cantica.

2 a. Hodie tam sacra
solemnia redintegrat
anni volubilitas,

2b. Tentura divina

quae protulit notitia
in voce prophetica.

3 a. Sed Christi dum infantia
terris praeerat,
impleta sunt omnia.

3 b. Herodes et saevus regna
tunc Judaica
obtinebat tetrarcha.

4 a. Solus cuncta qui sceptra
regeret per potentiam,

4 b. Infelix metuens sua
perdere regimina,

5 a. Furens ubique mandat,
quaerens Christi jugula,
trucidari omnia
puerorum agmina
a bimatu et infra.

5b. Horum vagitus alta
scandebat ad sidera
passimque fusa per arva
jacebant corpuscula,
hostis sed immanitas

6 a. Semper crudelissima

6 b. Non horrebat talia.

7. Ipsi nunc cum sanctis lucida
coeli perfruamur gloria,
quorum prece indulgeat
nobis Dominus, qui semper regnat.