264. De ss. Joachim et Anna.

la. Omni laude mente tota
Annae plaude, gens devota,
Exsulta tripudio,

1b. Astra, poli, sol et luna,
Stella, coeli sonent una
Mariae cum filio.

2 a. Christus sol est justitiac,
Virgo luna munditiae,
Plena solis radio:

2 b. Lunam profert Anna stella,
Solem luna ventris cella
Cum pudoris lilio.

3 a. Numquid astra sunt cognati
Filiabus Annae nati
Duobus conjugiis?

3 b. An Jacobi cum Johanne,
Simon, Judas, Joseph, Annae
Micant natalitiis?

4 a. Tres Manas, Anna, paris,
Tribus quibus copulans
Viris matrimonio:

4 b. Te sterilem lex culpavit,
Te Joachim fecundavit
Misso coeli nuntio.

5 a. Tanto dignus es honore,
O Joachim, sed ex more
Honoramus feminas:

5 b. Horum primus es genitor,
Et praevius quasi nitor,
Hanc prolem post te minas.

6 a. Regis David progenie,
Sancte pater eximie,
Cum trahis originem,

6b. Judaica prosapia
Orta fuit Anna pia,

Ambo gignunt virginem.

7 a. Qua naturae supra jura
Fit creator creatura
Hominem deificans.

7 b. Ex qua verbum incarnatum
A Judaeis reprobatum
Est orbe toto micans.

8 a. Cum praedictis hora mortis
Sit haec nobis pugil fortis
Fugando daemonia,

8b. Per hanc patet poli porta,
Nos huc cum his, Christe, porta,
Quorum sunt praeconia.