266. In Nativitate s. Johannis B.

la. Laetabundus

Exsultet ubique mundus
Pro baptista,

1b. Nato matre

Sterili et muto patre
Die ista.

2 a. Angelus Zachariae
De tanta progenie
Tulit fidem,

2 b. Cum de vice tolleret,
Quod incensum caperet
Sorte quidem.

3 a. Sed quia non credidit,
Usum vocis perdidit
Zacharias,

3 b. Qui prophetae redditur,
Quando circumciditur
Hic Elias.

4 a. Nomen imponentibus
Puero parentibus
Genitoris

4b. Respondit Elisabeth:
Nequaquam, nomen habet
Novi moris.

5 a. Johannes vocabitur,
Sic patri praecipitur,
Cum prole promittitur
Prolis nomen.

5 b. Hic dum vellet scribere
Johannes senex cerae,
Sensit linguam solvere
Felix omen.

6 a. Et profert omnium
Auribus stantium:
Johannem vocate
puerum.

6 b. Hujus auxilium
Det nobis gaudium
Coeli conventui
civium.