268. In Decollatione s. Johannis B.

1. De sancto Johanne,
baptista Dei,

2 a. Dommi praecursore,
gaudeat ecclesia,

2 b. Qui major hominibus

atque plus quam propheta

3 a. Regem admonet Herodem
caritate nimia,

3 b. Ut, quam tulerat, uxorem
fratri suo dimittat.

4 a. Sunt haec utique sacra
monita,

nam non odio sed amore
salutis

magister arguebat,
quem per incesta
perdi dolebat.

4 b. Sed libidinis ardens
facula

matrimonii inconcessi
foedera

rex servare malebat,
quam ad veniae
flecti consulta.

5 a. Mox impatiens
conatur audire
consilia,
doctorem
ligavit parricida,

5 b. Quem sic regina
cogit adultera
saltansque filia,
quod mundi
exstinguitur lucerna.

6 a. Caput datur puellae

fertque matri suae puella,

6 b. Sed martyr vivens Christo
coelorum possidet gaudia.

7 a. Ergo Dei
precare gratia

7 b. Ut vivamus

tecum in saecula.