270. De s. Johanne Baptista.

la. Est coelesti praesignatus
Johannes oraculo
Et ab ipso consecratus
Uteri latibulo.

1b. Verbo pater, scripto mater
Nomen edit parvulo,
Et soluta lingua muta
Patris est a vinculo.

2 a. Puer hic plus quam propheta,
Certa prophetarum meta,
Currus evangelii,

2b. Paraturus viae viam,
Mutum solvit Zachariam
A nota silentii.

3a. veri regis verus praeco,
Singulare quidem de quo
Praeconatur veritas,

3 b. Arta, curva et erecta,
Prava ponit in directa,
Rectas facit semitas.

4 a. Agnum monstrat m aperto
Vox clamantis in deserto,
Vox verbi praenuntia.

4b. Non lux iste sed lucerna,
Christus vero lux aeterna,
Lux illustrans omnia.

5 a. Ardens fide, verbo lncens
Et ad veram lucem ducens,
Sanctitatis speculum,

5 b. Cilicina tectus veste,

Cum locustis mel silvestre
Sumebat in ferculum.

6 a. O Johannes sanctissime,
Praedicator verissime,
Nobis impetra veniam,

6 b. Ut possimus in patria
Illa summa laetitia

Frui post hanc miseriam.